Siglir tar il cuntegn

Header

cuntegn

Radunanza communala Falera Gea a pe da taglia pli bass e divers credits

70 persunas han approvà tut las fatschentas a la radunanza communala mardi saira a Falera. E quai cun mintgamai gronda maioritad, scriva l'administraziun da la vischnanca.

La vischnanca po prender si credits da 1,5 milliuns francs per sanar la Via Dual sut, Scarsaluis e Via Paliu. 200'000 francs ha la radunanza communala concedì per sanar il provediment d'aua. A 160'000 francs munta il credit per la renovaziun da l'indriz da mulscher cun bischens sin l'Alp Dadens.

Senza cuntravuschs èn il preventiv, il sbassament da taglia e la proposta da la taglia sin immobiglias vegnidas acceptadas.

Pe da taglia vegn sbassà

Il pe da taglia è da nov tar 65% da la taglia chantunala simpla (10% pli bass). La taglia sin immobiglias resta tar 0,125% da la valur da taglia da l'immobiglia.

Il preventiv quinta cun in gudogn da passa 100'000 francs, tar expensas da radund 8,2 milliuns francs. Las investiziuns nettas previsas per l'onn che vegn a Falera muntan a trais milliuns francs.

RTR novitads 06:00

Artitgels legids il pli savens