La radunanza communala da la vischnanca Lumnezia ha concedì cun gronda maioritad in credit supplementar da 135'000 francs per lavurs da catram e remplazzament da la lingia d'aua en la via da quartier «Trutg» en il vischinadi da Vella.
En pli han ils Lumnezians e las Lumnezianas approvà cleramain il quint annual da l'onn passà. Quel ha serrà cun in surpli da 3,4 milliuns francs. Quai tar custs da passa 15 milliuns francs.
