Lumnezianas e Lumnezians ston a partir da l'auter onn pajar damain taglia. La radunanza communala da venderdi saira ha decis da sbassar il pe da taglia da 100% sin 90% da la taglia chantunala simpla.
Plinavant ha la radunanza approvà la revisiun parziala dal reglament da pajas da la vischnanca:
- la plazza dal president communal vegn augmentada da 40% sin 50%. La paja duai vegnir auzada da 50'000 sin 62'500 francs l'onn.
- Da nov vegn er il vicepresident pajà pauschalmain cun 3'000 francs l'onn.
- L'indemnisaziun per sesidas e lavur extraordinaria duai vegnir augmentada da 30 sin 50 francs l'ura.
En pli han ils 68 votants e votantas approvà il preventiv da l'onn che vegn. Quel prevesa in deficit da 661'484 francs. Quai tar entradas da 17'298'055 francs.