Siglir tar il cuntegn

Header

cuntegn

Radunanza communala Per il 2021 quinta Medel cun in deficit

La radunanza communala da Medel ha approvà il preventiv per il 2021. Quel prevesa in deficit da 236'000 francs tar entradas da 4,48 milliuns francs. La vischnanca quinta cun investiziuns nettas da radund 2,3 milliuns francs (1,6 milliuns per construir abitaziuns en chasa da scola). Il pe da taglia resta tar 70% da la taglia chantunala simpla.

Er han ils da Medel approvà il preventiv da l’Ovra electrica Medel. Quel prevesa in minus da 70'000 francs tar entradas da 1,8 milliuns francs.

Lavurs da mantegniment ed expensas unicas

Il deficit en il preventiv resulta surtut pervia dad expensas unicas respectiv lavurs da mantegniment. Exempels:

  • Per evitar donns da malauras èsi previs da catramar intgins tschancuns da las vias da meglieraziun (2021: 100'000 francs per la via a Peinzas)
  • Per reparar ils donns da malauras da l'october passà 100'000 francs
  • Per modernisar la serenera a Fadretsch 70'000 francs
  • La deponia ad Acla-sut sto vegnir serrada: Per gulivar il terren 92'000 francs
  • Per l'infrastructura turistica 90'000 francs

audio
Per tadlar curt e cumpact
ord RTR Audio dals 27.11.2020.
laschar ir. Durada: 1 minuta 10 Secundas.

RTR novitads 09:00

Artitgels legids il pli savens