La vischnanca Tujetsch quinta l'onn che vegn cun in surpli da 407’380 francs, quai tar entradas da var 14 milliuns. Venderdi saira ha la radunanza communala approvà cun 20 vuschs (gea) encunter 1 vusch (na) il preventiv. Las investiziuns bruttas prevesidas muntan a 5’494’200 francs. Plinavant ha la radunanza decidì ch'il pe da taglia resta tar 95 % da la taglia chantunala simpla.
Gea a 3 credits per en tut var 5,1 milliuns francs
En pli han ils da Tujetsch approvà unanimamain trais credits: In credit d’impegn da 1'236'000 francs per la sanaziun da la Via Dentervitgs inclus chanalisaziun, in credit d’impegn da 2'412'215 francs per la sanaziun da la Via Cavorgia inclus chanalisaziun sco era in credit d’impegn da 1’500'000 francs per la sanaziun da l'indriz d’electrotecnica serenera.