Sco il president dal comité ha ditg, restian bleras e fitg bellas impressiuns. Arranschaments plains, glieud cuntenta e surtut era plaschair per la musica, di Clau Scherrer. Perquai na veglia el betg numnar in punct culminant. Tut saja stà impurtant, saja quai ils concerts dals uffants e dals chantauturs, la concurrenza da novas cumposiziuns, il concert da gala ubain la chanzun d’art.
Chattar la via en la Bassa
Els hajan grond plaschair d'avair uss intginas chanzuns rumantschas novas. El saja persvadì che pliras da quellas vegnan a chattar la via en ils chors rumantschs ed era en la Bassa. Era la glieud en la Bassa tschertgia chanzuns rumantschas.
Segunda ediziun en l'Engiadina
La segunda ediziun dal Festival da la chanzun rumantscha è 2022 en l’Engiadina. Il president dal comité d’organisaziun è Curdin Lansel. E forsa datti insacura era in tal festival en il Surmir.
RR novitads 17:00