Siglir tar il cuntegn
Inhalt

Surselva Rainer Flaig – nov CEO tar Andermatt-Sedrun Sport SA

Sco l’Arena da skis scriva il venderdi en ina communicaziun succedia Flaig a Silvio Schmid. Schmid vegnia a surpigliar autras lezias en l’interpresa.

portrait.
Legenda: Il nov: Rainer Flaig daventa CEO da l'Andermatt-Sedrun Sport SA. mad

Cun Rainer Flaig hajan ellas savì gudagnar in expert dal sectur da las pendicularas, scriva l'Andermatt-Sedrun Sport SA. Flaig lavura dapi il 2010 a Saas-Fee sco CEO da la «Saastal Bergbahnen AG». Là saja el vegnì enconuschent zunt pervi da si'acziun «Wintercard per 222 francs» che haja midà decisivamain co ch'ils predschs en la branscha vegnian fatgs.

Rainer Flaig ha gia experientscha da CEO en il Grischun: El era er stà al timun da las pendicularas da Lai. Cura che Flaig cumenza sia nova funcziun sco CEO n’è anc betg enconuschent.

RR novitads