Siglir tar il cuntegn
Inhalt

Surselva Rangeras da la Ruinaulta – project da pilot va en runda 2

Las vischnancas enturn la Ruinaulta vulan cuntinuar il project da pilot per in onn. Quai ha il president da l'Uniun Ruinaulta, Christian Theus confirmà al schurnal regiunal da Radio SRF

Ruinaulta or da l'helicopter, üia bellezza.
Legenda: En la Ruinaulta duaian circular eir l'onn 2019 duas rangeras che surveglieschan ils viandants. Keystone

Da prolungar il project da pilot cun duas rangeras en la Ruinaulta è in'investiziun en l'avegnir. Uschia vegl'ins ramassar ulteriuras experientschas cun il servetsch da surveglianza en la chavorgia da la Ruinaulta per pudair etablir quel lura er en lunga vista, ha declerà il president da l'Uniun Ruinaulta, Christian Theus.

Il servetsch da ranger era stà ina da las cundiziuns da las organisaziuns da l'ambient per ch'ellas na cumbattian betg vinavant la senda da viandar planisada tras l'entira Runiaulta. Tuttina è ina procedura da recurs anc adina pendenta.

La dretgira administrativa dal chantun ha refusà quel. Fin ils 9 da november pon las organisaziuns trair vinavant questa decisiun al tribunal federal.

RR mnovitads 06:00