Siglir tar il cuntegn

Header

cuntegn

Recicladi Plaun Grond Situaziun excepziunala en il recicladi en Surselva

La situaziun che blers han liber pervia dal corona chaschuna chatschs excepziunals en il recicladi a Rueun.

Dapi l'emna passada regia sin il recicladi sursilvan a Plaun Grond ina situaziun extraordinaria. Las colonnas d'autos privats che vegnan cun rument na chala betg si.

Uschia han ils responsabels stuì introducir novas reglas. Ils lavurers reglan il traffic, e lain entrar mo in suenter l'auter ils autos. Uschia duai esser segir che mo mintgamai ina persuna svida ses rument, e betg plirs enina.

Regiun Surselva è responsabla

La regiun Surselva ha fatg duas squadras da lavurers, per garantir vinavant il servetsch en cas ch'in dals lavurers fiss infectà.

Il manader da fatschenta da la Regiun Surselva Duri Blumenthal suppona, ch'il coronavirus saja la raschun per quest chatsch. Quel procura che la populaziun ha bler temp liber. Da l'autra vart saja primavaira, il temp cura che la glieud fetschia gugent urden.

RTR actualitad 07:00

Artitgels legì il pli savens

Nach links scrollen Nach rechts scrollen