Siglir tar il cuntegn

Header

Il bajetg da la staziun da Glion cun il kiosk
Legenda: La staziun da la Viafier retica a Glion duai survegnir ina cumparsa moderna. RTR, L. Livers
cuntegn

Surselva Recurs encunter staziun da viafier Glion

I dat 2 recurs encunter ils plans per ina nova staziun da la Viafier retica a Glion. Quai ha la pledadra da medias da l’Uffizi federal da traffic, Olivia Ebinger, attestà a RTR.

La staziun da Glion vegn renovada el decurs dals proxims onns per var 30 milliuns francs.

Ils recurs inoltrads na stoppian dentant betg exnum retardar quests plans, ha Ebinger ditg. Quai surtut pervia da la planisaziun tecnica cumplexa, che na saja anc betg finida dal tut.Las bleras lavurs èn planisadas per ils onns 2017-2018. L'onn 2019 duess tut esser a fin.

In tren charrescha en la staziun da Glion ils passagiers spetgan sin ils tren.
Legenda: Ils passagiers traversan il binaris e procuran uschia per situaziuns privlusas. RTR, L. Livers

La staziun da Glion duai vegnir pli segira

La situaziun da la staziun da viafier a Glion na cuntenta gia daditg betg pli. La staziun n'è betg adattada per persunas cun impediments.

Plinavant ston las persunas ir sur ils binaris per contonscher ils perruns. La pli impurtanta staziun da la Viafier retica en Surselva duai ussa survegnir ina cumparsa moderna cun sutpassadi ed uschia daventar pli segira.

RTR/ll

Artitgels legì il pli savens

Nach links scrollen Nach rechts scrollen