Siglir tar il cuntegn

Surselva Regenza sto s’occupar da dispita a Val

En Val Son Pieder s'intensiveschan las cuntraversas enturn l'investider Remo Stoffel. In abitant da Val proceda cun in recurs da surveglianza cunter il cussegl communal.

Val Son Pieder
Legenda: Val Son Pieder Las cuntraversas enturn l'investider Remo Stoffel s'intensiveschan. RTR, L. Livers

La regenza grischuna sto s'occupar da la dispita en Val Son Pieder. Cun in recurs da surveglianza vul in abitant da Val laschar sclerir las circumstanzas da la vendita da la Therme a l'interprendider Remo Stoffel d'avant 3 onns.

Quai rapporta la «NZZ am Sonntag». Rinfatschà vegn tranter auter il pretsch da vendita memia bass e che l'interpresa 7132 da Stoffel na sto, cuntrari al producent da l'aua da Val, betg pajar il tschains d'aua.

Il president da Val, Stephan Schmid refusa questas rinfatschas. Tut quai che saja vegnì fatg, saja stà legitim.

RR novitads 11:00