Siglir tar il cuntegn

Header

cuntegn

Regiun Surselva En tschertga d'in nov sviluppader regiunal

La Regiun Surselva sto tschertgar ina nova sviluppadra u sviluppader regiunal. Rudolf Büchi ch'occupava enfin uss quest post banduna quel cun la fin da november. El surpiglia ina nov'incumbensa en la regiun. Tgenina n'ha el betg tradì. Midadas datti dentant era a la testa da la Regiun Surselva. Duri Blumenthal, ch'è dapi 22 onns mainagestiun, vegn pensiunà l'onn che vegn. Ses post vegn scrit ora questa stad.

Rudolf Büchi era vegnì elegì l'onn 2019.

Per ils basegns da la regiun

Intermediar daners è ina incumbensa dal post da svilup, cussegliar e far curaschi l’autra part. Il sviluppader regiunal è ina persuna da clav per l’economia e la societad. In avantatg po esser ch’il sviluppader regiunal n'è betg pli in funcziunari chantunal. «Dapi in onn e mez è la Regiun il patrun da lavur, e betg pli l’Uffizi chantunal d’economia e turissem», declera Duri Blumenthal. La persuna che surpiglia il post po pia lavurar cumplainamain per la regiun e na sto betg suandar normas, plans e concepts chantunals.

audio
Per tadlar curt e cumpact
ord RTR Audio dals 03.06.2022.
laschar ir. Durada: 50 Secundas.

RTR novitads 20:00

Artitgels legids il pli savens