Siglir tar il cuntegn

Header

cuntegn

Regulaziun da lufs Dus lufs èn sajettads

La fin d'emna passada èsi gartegià a la surveglianza da chatscha da sajettar dus lufs giuvens dal triep dal Beverin. Tut en tut ha l'Uffizi da chatscha survegnì l'incumbensa da sajettar quatter lufs giuvens dal triep dal Beverin.

Sco proxim vegnan ils animals analisads en l'ospital da l'universitad da Berna. Silsuenter succeda l'analisa genetica a l'universitad da Losanna, scriva l'Uffizi da chatscha e pestga.

Ulteriurs detagls na datti il mument betg. Enfin che l'acziun n'è betg finida na dat il chantun betg ora detagls davart uras e lieu ch'ins ha sajettà ils lufs. L'uffizi vegnia ad infurmar periodicamain davart il stan da l'acziun, hai num en la communicaziun da la Chanzlia chantunala.

RR novitads 10:00

Artitgels legids il pli savens