Sco quai ch’il vicedirectur Damian Pfister ha confermà a Radiotelevisiun Svizra Rumantscha sajan ins sa cunvegnids il venderdi passà da na betg prolungar il temp d’emprova da Matthias Lutz.
Lutz manava dapi l’emprim da zercladur il vitg da vacanzas da la Reka a Mustér. Tenor Pfister na correspundevi l’idea da Lutz, co manar in tal vitg da vacanzas, betg a la filosofia da la Reka. Ad interim vegn il vitg da vacanzas manà entras ils anteriurs manaders Regula e Pius Giger.