Siglir tar il cuntegn

Surselva Remo Stoffel – denunzia pervi da fraud da taglia

Cunter l'investider grischun Remo Stoffel datti ina denunzia pervi da fraud da taglia, quai ha confermà in pledader da la procura publica dal chantun Turitg a la gasetta «Handelszeitung».

Remo Stoffel l'october 2015 tar la preschentaziun da la 'femme de Vals'.
Legenda: Remo Stoffel n'ha nagina enconuschientscha d'ina tala denunzia penala. Keystone

La denunzia sa basa sin inquisiziuns penalas fatgas durant plirs onns da l'Administraziun federala da taglia, scriva la gasetta «Handelszeitung». Ella sa basa sin en tut 800 ordinaturs cun actas. Uss vegn l’Uffizi da taglia da Turitg activs. Las pretaisas per fraud da taglia èn autas, la lescha pretenda in engion intenziunà. In fraud da taglia vegn sentenzià cun chastis ni schizunt cun praschun fin a trais onns.

Las autoritads da taglia n’èn betg s'exprimidas davart il cas. Remo Stoffel ha perencunter ditg a la «Handelszeitung» ch’el n’haja nagina enconuschientscha d’ina tala denunzia penala.

RR novitads 17:00