L'istorgia aveva cumenzà il matg 2012 cura ch'ils possessurs dad appartaments en las chasas Tomül e Zervreila avevan prendì la decisiun da scumandar a Remo Stoffel e sia 7132 SA da duvrar appartaments sco abitaziuns da persunal. Remo Stoffel n'aveva betg acceptà quai e tratg la chaussa avant dretgira. Nua ch'el ha ussa gudagnà.
Adina dà abitaziuns da persunals en questas chasas
La dretgira districtuala ha argumentà ch'i haja gia adina dà abitaziuns da persunal en questas chasas, plinavant ha la dretgira constatà ch'il persunal na chaschunia betg dapli emissiuns ch'osps dal hotel u ils possessurs sez che vegnan en quellas abitaziuns a far vacanzas.
Trair vinavant la sentenzia u betg?
La radunanza extraordinaria da condomini da las chasas Tomül e Zervreila a Val S. Pieder ha tractà questa decisiun. Duain els trair vinavant la sentenzia da la dretgira districtuala Surselva u acceptar che la 7132 SA da Remo Stoffel astga vinavant duvrar appartaments en lur chasas per il persunal dal hotel.
La decisiun da betg ir vinavant cun quest cas è crudada en omaduas chasas cun gronda maioritad. La schanza da gudagnar avant la dretgira chantunala saja memia pitschna, han ils possessurs constatà.