Gievgia hai dà en Lumnezia in'interrupziun dal current electric, perquai ch'in camiun ha stgarpà cun ina pitga electrica. Perquai che quai ha lura stratg vi da la lingia, èn ulteriuras pitgas vegnidas stgarpadas giun plaun. Blessads n'haja dentant dà nagins, sco la Repower ha infurmà.
L'accident ha chaschunà in'interrupziun dal current electric da radund 28 minutas a Cumbel, Duin, Peiden, Surcasti, Son Martin e Tersnaus. A Riein han abitantas ed abitants stuì spetgar radund 130 minutas enfin che l'electricitad è turnada. Stadas pertutgads èn radund 665 persunas.