L’ovra gioga ina impurtanta rolla per il provediment electric da la regiun Trun, Breil e Sursaissa. Quels dis ha la renovaziun vid l’ovra a Tavanasa cumenzà.
L’ovra sezza è vegnida bajegiada ils onns 70 ed adina puspè adattada. L'investiziun da tschintg milliuns francs duai garantir dapli segirtad en il provediment electric. I na vegn betg producì dapli electricitad, surtut l'indriz da distribuziun vegn renovà e remplazzà. Sper la tecnica vegn era il bajetg sez renovà. Las lavurs vegnan terminadas l'atun 2022.