La mainafatschenta da la Pro Natura Grischun, Jacqueline von Arx conferma quai al Bündner Tagblatt (BT). La protecziun da la Ruinaulta saja pli impurtanta ch'ina senda da viandar, vegn argumentà. I va per il traject en il territori da Ransun. L'ultim traject per realisar ina senda da viandar tras l'entira Ruinaulta.
Ins na saja betg pli pront da far cumpromiss, di Jacqueline von Arx sche la cunterpart na tegnia btg en quai ch'è gia decidì. Qua sa tractia da la realisaziun dal project da rangers che saja sin maisa gia dapi il 2005. Cun quest program era previs da stgaffir plazzas per proteger il territori. Quests rangers avessan da guardar ch'ils bikers e peduns na giajan betg là nua ch'i è betg lubì. Plinavant pudessan quels era generar entradas tranter auter cun guids per turists.
Von Arx accentuescha era ch'i saja fitg impurtant da manar las persunas sin las sendas damai che era il monitoring d'animals en privel da svanir saja ina incumbensa da la regenza. E gist en il territori da Ransun sa chattan uschels en privel.
RR novitads 11:00