Siglir tar il cuntegn

Surselva Resistenza cunter Stoffel

La radunanza da proprietad da condomini da la “Therme Vals 1-3” n'è betg suandada la proposta da la 7132 SA da Remo Stoffel. Stoffel vuleva ch' ils possessurs da las trais chasas Tomül, Selva e Zervreila pajan 1 milliun francs per mintga chasa en in fond da renovaziun.

radunanza en ina halla da gimnastica
Legenda: La resistenza cunter la proposta da Remo Stoffel è stada gronda uschia che ses represchentant ha retratg la proposta. RTR, L.Livers

Tar naginas da quellas trais chasas ha Remo Stoffel la maioritad da las vuschs. Questas trais chasas audan tar il cumplex dal hotel 7132 da Val s. Pieder, èn dentant separadas dal hotel e dal bogn termal.

Constattà resistenza

Durant la radunanza è vegnì renfatschà a Remo Stoffel e la societad 7132 SA d'avair agì davosnoda. Stoffel sez n'era betg preschent a la radunanza da condomini. Ses subsitut Ernst Senteler ha la finala retratg la proposta d'auzar il fond da renovaziun sin in milliun, cura ch'el ha constattà che questa proposta na vegn betg acceptada. Senteler è en il cussegl d’administraziun da la Priora Project SA.

RR novitads 21:00