Siglir tar il cuntegn

Header

cuntegn

Resort Dieni Avunda aua per ils giasts

La corporaziun Aua Cristalla ha intercurì, sche l’aua tanscha per il nov resort ch'è planisà. Ed ella ha constatà ch’els possian furnir avunda aua. Per regla furnescha il reservuar da la Val Milà l’aua.

audio
Mezdi: Resort Dieni a Sedrun ha avund'aua
ord Actualitad dals 10.10.2019.
laschar ir. Durada: 2 minutas 7 Secundas.

En Val Tujetsch datti trais reservuars, sco il president da l’Aua Cristalla Guido Monn ha ditg ad RTR. En Val Bugnei, en Val Strem ed en Val Milà. Quels sajan colliads. Sch’in reservuar avess memia pauc aua pudess ins prender quella dad in auter. Quai saja in avantatg surtut sch’i dettia donns sco quai ch'igl è capità en Val Strem il mars 2016. Lura aveva ina lavina ha destruì las tschiffadas dal provediment d’aua.

En il quartier da Dieni existan las lingias d'aua gia. Perquai na quinta il president da l'Aua Cristalla betg ch'i dettia grondas investiziuns. Ma ils proxims onns stoppian els tuttina sanar intginas funtaunas.

RR actualitad 11:00

Artitgels legids il pli savens