La baselgia da la claustra da Mustér sa preschenta en nov vestgì. Ils palancads èn per gronda part davent, ils maletgs traglischan sco novs, ma dal tut finì n'èsi anc betg. Ils lavurers èn londervi da montar in nov planschì sin la lautga gronda ed inqual detagl mancan anc.
Ils custs èn prest cuverts
Tenor Andreas Isler, manader dals bains immobigliars e dals projects da bajegiar da la claustra è la finanziaziun da la restauraziun sin buna via. Da la summa totala da 16 milliuns francs che la restauraziun custa mancan il mument anc bundant 600'000 francs.
La reavertura da la baselgia cun la benedicziun da l'altar è ils 11. da november 2019, il di da S.Martin - il patrun da la baselgia claustrala.
TR Telesguard 17:40