Il project per in nov center da cumpra a Glion, il Center Marcau, ha retard. El è però sin buna via. La dumonda da bajegiar vegnia inoltrada il fanadur ha confermà la firma Rhomber Bau SA envers l'agentura da novitads rumantscha.
Oriundamain saja stà previs d'inoltrar quella 3 emnas pli baud. Pervi dad in'optimaziun dal project haja quella ussa però retard. Il project dasper la staziun da viafier è calculà cun 45 milliuns francs e prevesa ina surfatscha da vendita per la Migros e 3 ulteriurs detaglists sco er radund 30 abitaziuns da 2½ e 4½ stanzas.
Sin duas auzadas sutterranas datti plinavant radund 160 plazzas da parcar.
