L'Uniun svizra dals pasterners e confisiers renconuscha cun quest premi il foodlabel "La Conditoria Sedrun-Switzerland" da Reto Schmid, quai per sias ideas innovativas e ses engaschi extraordinari sin il sectur da la pasternaria. Il premi è dotà cun 20’000 francs ed è vegnì surdà per la quarta giada da l'uniun svizra da pasterners e confisiers.
La giuria ch’ha elegi Reto Schmid per quest premi, ha ludà Schmid per ses engaschi da salvar la pasternaria era suenter che la NEAT ha bandunà la val Tujetsch. Cun ideas innovativas, gronda professiunalitad en il mastergn e talent haja el realisà ina lingia da producziun per far la pli pitschna turta da nusch dal mund. Per l’onn 2015 quinta Schmid da pudair producir 2-3 milliuns da quella turtas pitschnas. Las turtas paran da daventar in success mundial, en l’Austria e la Germania haja la pasternaria gia clientella. Cun repartiders en ils Stadis Unids da l’America, ed en ils Stadis Arabs è Schmid en contractivas.