Cumenzà ha tut cun ils cristals. Quai constat, dentant era betg propi. Cumenzà ha l'art e la via artistica da Gieri Schmed anc avant. Quai pon ins vesair en la retrospectiva a posteriori per il 80avel che l'artist da Trun avess pudì festivar quest onn.
Marcus Schmed, ses figl, è sa mess a la tschertga d'ovras nunenconuschentas, dentant era da quellas ch'ins po metter bain a chasa tar Schmed. Quai dat ina buna survista da la lavur, dal patratgar e da la motivaziun che l'artist ha gì durant passa 50 onns cun sa confruntar cun patratgs, carstgauns, sentiments, glischs e sumbrivas.
Inqual chaussa che nus mettin ora, na sun jau betg segir sch'il bab vuless quai, dentant sche nus fagain ina retrospectiva, vi jau che la glieud vesa il svilup.
Durant mais ha Marcus Schmed preperà ensemen cun sia famiglia l'exposiziun a Trun. Blers maletgs hajan els era vis per l'emprima giada. Maletgs da l'entschatta da la via artistica. Era quels èn da vesair en la restrospectiva. Medemamain fitg bain èn las pli differentas tecnicas da Schmed visiblas. Entagls en lenn ubain linoleum, gravuras – la dretga tecnica per vegnir il pli datier a quai ch'el vul, aveva ditg Gieri Schmed.
Or da l'archiv:
