Rinfatschas da corrupziun a Val S. Pieder

Il professur emerità per dretg public Rainer J. Schweizer è persvadì ch’i ha dà corrupziun a Val S. Pieder. Quai en connex cun la vendita dal hotel Therme e da la terme.

Remo Stoffel e Pius Truffer a Val S. Pieder, las chasas han naiv sin tetg Bild in Lightbox öffnen.

Legenda da maletgs: Il cumprader da la Therme Vals Remo Stoffel e Pius Truffer dal cussegl d’administraziun dal hotel. RTR, L.Livers

Schweizer haja gì invista a differentas actas ed haja examinà il cas ensemen cun gronds spezialists dal dretg penal da corrupziun.

«  I ha dà differents cumpigliads en la vischnanca, en l’interpresa e forsa era dal chantun che han propi tratg niz persunal ord quest “deal” »

Rainer J. Schweizer
professur emerità per dretg public

Rainer J. Schweizer Avrir maletg en lightbox.

Legenda da maletgs: Il professur Rainer J. Schweizer discurra da corrupziun. Keystone

Tgi exact che haja profità a moda na correcta, quai n’ha Rainer J. Schweizer betg vulair dir. I saja chaussa dals uffizials dad uss examinar il cas.

Indecis per corrupziun sajan oravant tut il pretsch da vendita che saja stà bler memia bass. La vischnanca haja investì dapi ils onns 80 da quai da 30 milliuns francs en il hotel e la terme. Ch’ella venda alura l’interpresa per sut il stritg 1,7 milliuns francs, quai na saja betg da declerar auter che cun corrupziun.

Rainer J. Schweizer era vegnì engaschà dad in gruppa che crititgescha la vendita dal hotel e da la terme.