Siglir tar il cuntegn

Header

audio
Rita Cadruvi è adina da viadi cun crutscha
Or da Actualitad dals 04.08.2022.
laschar ir. Durada: 5 minutas 14 Secundas.
cuntegn

Rita Cadruvi Viandar cun impediment corporal

Ozendi na datti betg pli la displasia da la batschida. Cun in maletg da sonografia en las emprimas emnas e cun far sitg als uffants durant l'emprim onn da vita po l'impediment corporal vegnir curà simpel. Avant prest 70 onns na saveva la medischina anc betg tge far cun ils uffants pertutgads.

Moviment è il pli impurtant

Rita Cadruvi n’ha mai sa laschà impedir da ses impediment corporal. Moviment e viandadas extendidas tutgan anc oz tar il mintgadi da la dunna pensiunada. Ina giada l’emna fa ella viandadas d'enturn trais uras.

Pli taiss e pli gugent che jau hai. Mo planiv è nagut. Ils musculs ston vegnir en moviment
Autur: Rita Cadruvi

Las pli grondas turas che Rita Cadruvi ha fatg èn stadas quellas sin la Greina. La davosa giada avant sis onns. Ina giada ad onn va ella u sin il Piz Mundaun u sin il Lai da Laus.

Adina da viadi cun crutscha

La crutscha è daventada indispensabla ils davos varga 25 onns. Rita Cadruvi ha dentant ina crutscha speziala, in unicat or da lain.

Quella ha in scrinari construì per mai or da lain da glienda/tigl e nuscher. Ella è fitg leva. Jau hai gì il nas plain da quellas crutschas da plastic
Autur: Rita Cadruvi
La crutscha da lain è in unicat
Legenda: La crutscha da lain è in unicat RTR RETO PFISTER

Rita Cadruvi prenda adina cun ella sia crutscha. Quella dat ad ella segirtad e gida da restar movibla.

RTR actualitad 17:00

Artitgels legids il pli savens

Scrollar a sanestra Scrollar a dretga