Rock e pop cun accordeons

Sunar «Smoke On The Water» da Deep Purple cun accordeons? Che quai n’è nagin problem mussa l’Uniun d'armonicas Cadi.

Laschar ir video «Rock e pop cun accordeons»

"Smoke On The Water"

2:25 min, dals 10.4.2015

Suenter concerts cun musica da film e musica da schlaghers ha l’Uniun d'armonicas Cadi decidì da preschentar quest onn in concert cun musica da rock e pop. Chattar litteratura è tenor il dirigent Martin Monn nagin problem. Er sch’ils orchesters d’accordeon na sajan betg uschè enconuschents tar nus dettia quai blers ed uschia era blera litteratura. Per l’Uniun d'armonicas saja quai tuttina anc da far adattaziuns vid ils arranschaments, damai che l’uniun haja be 9 accordeonists uschia ch’i saja d’adattar ils arranschaments a las fermezzas da las vuschs. Ina sfida cunzunt per il dirigent èsi lura era da far tunar ils accordeons sumegliant ad ina ghitarra electrica ubain ad ina vusch d’in chantadur.