Roeschlin è president communal da Tujetsch

Beat Roeschlin vegnì elegì sco nov president da vischnanca da Tujetsch. Roeschlin ha survegnì 514 da las 525 vuschs pussaivlas.

Laschar ir video «Roeschlin è president communal da Tujetsch»

Roeschlin è president communal da Tujetsch

2:40 min, Actualitad video dals 8.3.2015

Beat Roeschlin è daventà candidat sin ina moda in pau nunusitada. El è s’annunzià sin l’inserat per il post da president da vischnanca che la vischnanca da Tujetsch aveva publitgà. El ha dapi 7 onns ina abitaziun da vacanzas a Rueras e sa senta bain tar ils Tujetschins. Roeschlin è maridà e bab da dus uffants creschids. L’econom da manaschi ha 60 onns ed è pensiunà. El surpiglia il post da presidi communal per immediat.

Tschertgà cun laterna in candidat

L’odissea da chattar in persuna per il post da presidi communal ha cumenzà cun las elecziuns communalas da l’avrigl 2014. Lura han las tujetschinas ed ils tujetschins betg reelegì lur president actual Pancrazi Berther. Per 24 vuschs aveva el manchentà l’absolut pli ch’i avess duvrà per vegnir elegì. Sinaquai aveva Pancrazi Berther decidì da na betg star a disposiziun vinavant sco candidat per il presidi communal. La tschertga è stada stentusa. Era tar il segund scrutini n’aveva quai nagins candidats per il presidi. La finala è la plazza per i presidi communal vegnida scritta ora cun in inserat. Ord las annunzias ha la suprastanza lura elegì dus candidats. In da quels ha dentant retratg sia candidatura uschia che Beat Roeschlin è restà il sulet candidat per las elecziuns.

RR novitads 12:00