Siglir tar il cuntegn
cuntegn

Surselva Röthlisberger è manadra dal center per requirents d’asil a Mustér

Il center per requirents d’asil che vegn averts la fin matg a Mustér vegn manà da Marianne Röthlisberger.

Marianne Röthlisberger
Legenda: La manadra dal center per requirents d'asil a Mustér è Marianne Röthlisberger. mad

Sco quai ch’il manader da la partiziun asil e return da l’uffizi da migraziun dal Grischun, Georg Carl ha ditg a Radiotelevisiun Svizra Rumantscha lavura Marianne Röthlisberger gia dapi l’atun passà tar il chantun en il sectur d’asil. Avant ha ella tranter auter era lavurà per la confederaziun en il center d’asil sin il pass dal Lucmagn. Il center da transit per requirents d’asil a Mustér vegn avert sco planisà la fin dal mais da matg.