Siglir tar il cuntegn

Header

audio
Erwin Caduff da viadi
Or da Actualitad dals 03.08.2022.
laschar ir. Durada: 5 minutas 13 Secundas.
cuntegn

RTR a pe Da Morissen fin a Santiago de Compostela

Erwin Caduff ha cumenzà avant trais onns ses viadi da pelegrinadi sin la via da s. Giachen. Quel fa el en etappas. Partì è el a chasa a Morissen ed è la finala arrivà a Carrion de los Condes. La proxima giada ch'el chamina less el cuntanscher Santiago de Compostela.

Erwin Caduff da Morissen ha enfin ussa fatg duas etappas da var quatter emnas ed ha gia 1'900 kilometers davos el. L’emprima giada è el chaminà il settember 2019 e la segunda giada l'avrigl da quest onn. Enfin a l'arrivada a Santiago de Compostela mancan anc 400 km. Quai saja «peanuts» sch'ins haja gia dumagnà tants kilometers, di il Lumnezian.

Sco blers auters fa era el il viadi persul. E quai saja era fitg bun uschia. Uschia possia el far gist tge ch'el veglia:

Uschia poss jau ir uschè lunsch sco jau vi, far pausas cura che jau vi e baiver e mangiar tge che jau vi.
Autur: Erwin Caduff pelegrin

Ma propi dal tut persul na saja el era betg stà. El vegnia spert en contact cun glieud ed uschia ha el passentà in tschancun da ses viadi en ina gruppa cun in um franzos da 74 onns, ina giuvna da 22 da l’Ollanda ed in Belgiais da 20 onns. Els sa chapivan fitg bain, era sch'els na discurrivan betg perfetg la lingua dals auters.

Cura che Erwin Caduff, redactur da novitads tar RTR, finescha ses viadi a Santiago de Compostela na sa el anc betg. Forsa l'auter onn, forsa en dus onns. Ma tge ch'el sa è ch'el vegn segiramain a finir el.

RTR actualitad 07:00

Artitgels legids il pli savens