Suenter che RTR ha gì durant 20 onns ses biro regiunal en il bajetg da la Banca Chantunala Grischuna a Glion mida quel ussa localitad e sa chatta da nov sin la Plazza Cumin 1, gest giusut la chasa communala.
Cun la midada vul RTR dar dapli paisa a la regiun ed augmentar la visibilitad. Durant la fiera d’advent da sonda, ils 2 da december, ha il biro regiunal gì avert tranter las 11:00 e las 19:00 uras las portas per la populaziun e fatg a tuts e tuttas in cordial bainvegni. Ina pluna da glieud ha nizzegià la chaschun e ha prendi invista da las novas localitads. Cun in vin chaud ni in punsch en blers puspè vegnids in tic a chaud, durant l’aura burascusa ordavert.
