Sco sviluppader regiunal vegnia Büchi a sa fatschentar cun la strategia da mantegnair e sviluppar la Surselva sco lieu attractiv cun perspectivas per il futur, hai num en la communicaziun.
Rudolf Büchi è CEO da las pendicularas Mustér. Là è el el tranter auter responsabel per il svilup dal resort a Mustér, per projects davart la colliaziun dals territoris da skis Mustér e Sedrun, sco er per ils implants d'ennavar las pistas a Mustér. El ha in diplom d'inschigner da la ETH Turitg, plinavant ha el in MBA da l'Universitad Son Gagl. El ha 41 onns e viva cun sia famiglia a Glion.
Nov CEO da las pendicularas Mustér daventa Marcus Weber, ch'è actualmain president dal cussegl d'administraziun da quest'interpresa.
RR novitads 10:00
