Siglir tar il cuntegn

Header

cuntegn

Rueun Portas avertas: Archiv cultural Foppa

L'onn passà ha l'Archiv Cultural Foppa (ACF) pudì duvrar las novas localitads en l'anteriura chasa da scola a Rueun. En la segund'auzada da la chasa da scola primara ha l'archiv pudì deponer, catalogisar ed ordinar ils cudeschs e documents vegls che l'uniun ha survegnì.

Uniun fundada avant tschintg onns

Quasi exact tschintg onns suenter che l'uniun Archiv Cultural Foppa è naschida, han ins pudì avrir a la publicitad e la glieud intressada ils locals en la chasa da scola. L' entschatta zercladur 2016 è l'uniun vegnida fundada. L'intent principal è da conservar documents, scrittiras, fotografias che pertutgan la vita e la cultura da la regiun. Er relaschs da persunas u uniuns èn gia vegnidas surdadas a l'archiv. Las commembras ed ils commembers fan lura urden ed ordineschan la rauba. Emprim president da l'uniun è il spiritual Jan-Andrea Bernhard. El è era istoricher e maina l'uniun e l'archiv cun grond engaschi.

Suenter ch'ins ha pervi da corona stuì spustar l'inauguraziun han ins pudì prender suenter l'avertura uffiziala il glindesdi da Tschuncaisma. Il medem mument ha era l'Uniun sportiva Rueun (USR) avert ils eschs da lur locals dal club da ballape. Lezs èn sin l'emprima auzada.

RTR actualitad

Artitgels legids il pli savens

Scrollar a sanestra Scrollar a dretga