-
Bild 1 von 7. Questa pergamaina è il document il pli vegl fin uss, i sa tracta d'ina dispita davart aua. Bildquelle: RTR, Hugo Schär.
-
Bild 2 von 7. Era quai è in exponat fitg vegl. Bildquelle: RTR, Hugo Schär.
-
Bild 3 von 7. Il relasch dal scrivent Donat Cadruvi. Bildquelle: RTR, Hugo Schär.
-
Bild 4 von 7. Ils documents ils pli vegls èn exponids en ina vitrina. Bildquelle: RTR, Hugo Schär.
-
Bild 5 von 7. L'uniun ha retschiert massa cudeschs vegls. Bildquelle: RTR, Hugo Schär.
-
Bild 6 von 7. Er la bandiera veglia da la Scola da la citad da Glion è da vesair. Bildquelle: RTR, Hugo Schär.
-
Bild 7 von 7. Er fotografias èn vegnidas surdadas a l'archiv. Bildquelle: RTR, Hugo Schär.
L'onn passà ha l'Archiv Cultural Foppa (ACF) pudì duvrar las novas localitads en l'anteriura chasa da scola a Rueun. En la segund'auzada da la chasa da scola primara ha l'archiv pudì deponer, catalogisar ed ordinar ils cudeschs e documents vegls che l'uniun ha survegnì.
Uniun fundada avant tschintg onns
Quasi exact tschintg onns suenter che l'uniun Archiv Cultural Foppa è naschida, han ins pudì avrir a la publicitad e la glieud intressada ils locals en la chasa da scola. L' entschatta zercladur 2016 è l'uniun vegnida fundada. L'intent principal è da conservar documents, scrittiras, fotografias che pertutgan la vita e la cultura da la regiun. Er relaschs da persunas u uniuns èn gia vegnidas surdadas a l'archiv. Las commembras ed ils commembers fan lura urden ed ordineschan la rauba. Emprim president da l'uniun è il spiritual Jan-Andrea Bernhard. El è era istoricher e maina l'uniun e l'archiv cun grond engaschi.
Suenter ch'ins ha pervi da corona stuì spustar l'inauguraziun han ins pudì prender suenter l'avertura uffiziala il glindesdi da Tschuncaisma. Il medem mument ha era l'Uniun sportiva Rueun (USR) avert ils eschs da lur locals dal club da ballape. Lezs èn sin l'emprima auzada.