Rueun, Siat, Pigniu, Ruschein – ina plaiv.

La fusiun da las quatter plaivs catolicas Rueun, Ruschein, Siat e Pigniu è sin buna via. Questa saira ha la radunanza da plaiv da Pigniu er approvà il contract da fusiun. Las autras trais plaivs avevan approvà il contract la gievgia passada.

purtret da quatter baselgias catolicas Bild in Lightbox öffnen.

Legenda da maletgs: Las baselgias parochialas da Rueun, Siat, Pigniu e Ruschein (da san. a dretg e da sura a sut). RTR, mad

Uschia po la suprastanza transitorica preparar la radunanza constitutiva che vegn ad esser il mais d'october. - La nova plaiv Rueun, Ruschein, Siat e Pigniu duai ir en vigur l'emprim da schaner 2017.

Ina cumissiun da fusiun aveva preparà dapi la primavaira ils documents necessaris. La plaiv fusiunada dumbrass radund 800 parochians ed avess uschia il dretg sin l'ulivaziun finanziala dal Corpus Catholicum. Sche la fusiun vegn decidida po la nova plaiv quintar cun ina contribuziun unica dal Corpus Catholicum da 350'000 francs.

Betg da la partida a la fusiun è la plaiv da Ladir. La radunanza da plaiv ha decidì gia pli baud da betg vulair far part al project da fusiun.

RR novitads 23:00