La populaziun ha pauca chapientscha per ils plans da spendrar il Rufalipark a Sursaissa dal naufragi. I ha da critica envers il cussegl d'administraziun e surtut envers ils manaders la firma Mavea SA. Las miserias sajan fatgas en chasa, ed hajan da far cun la buna veglia dals manaders e dals collavuraturs envers ils giasts, è sta d'udir ier saira a Sursaissa.
Il plan: svalitar las aczias
Las 3900 aczias vegnian svalitadas da 1'000 sin 200 francs. Quai tagl da chapital na possian ins betg evitar. El medem mument tschertgian ins novs acziunaris. Previs èn almain 230'000 francs en furma da novas aczias. Uschia ha Ernst Sax il president da vischnanca da Sursaissa Mundaun preschentà il plan da sanaziun.
Da l'emprest dal chantun da 1,5 milliuns en stgars 500'000 pajai enavos. Dal milliun restond surpiglia la vischnanca la mesadad en furma che la vischnanca cumpria per 500'000 francs novas aczias dal Rufalipark. Il segund mez milliun sto il Rufalipark pajar enavos. Quai en ratas pli pitschnas da 25'000 francs ad onn durant 20 onns.
Decis en chaussa vegn il matg a la proxima radunanza dad acziunaris dal Rufalipark Sursaissa Mundan SA.
RR actualitad 08:00
