Siglir tar il cuntegn

Header

La via a Domat
Legenda: Ina maschina da rumir naiv sin la via a Domat. RTR
cuntegn

Surselva Rumir naiv sin via: La Dretgira federala sto tractar in recurs

Mintga diesch onns fa il chantun Grischun contracts cun interpresas per rumir naiv e glatsch sin las vias chantunalas. Quest onn ha il chantun fatg 129 contracts. Cunter 13 hai dà recurs, sis da quels en Surselva.

Recurs avant la Dretgira federala

In da quests recurs n`è betg anc liquidà. Ina interpresa sursilvana ha fatg recurs fin avant la Dretgira federala. Dapli na po l’inschigner chantunal Reto Knuchel betg dir, perquai ch’il cas n`è betg anc decidì.

Recurs po quai dar perquai ch’ina interpresa n’ha betg survegnì pli ina via ch’ella aveva gia dapi plirs onns. E perquai ch’i ha pauca lavur l’enviern cumbattan las interpresas per quests contracts, vul dir, la concurrenza è gronda.

25 fin 27 milliuns francs

Per rumir naiv e glatsch sin las vias chantunalas metta il chantun a disposiziun en media tranter 25 e 27 milliuns francs ad onn, sco Reto Knuchel ha ditg a RTR. 5 milliuns francs van en Surselva. Era il chantun sez fa tschertas lavurs.

Trais variantas

I dat trais variantas per il servetsch d’enviern:

  • Il rumir «nair», vul dir ins procura che la via vegn libra da la naiv, cura ch’i ha navì.
  • Il rumir «retardà», vul dir ins va cun il criec senza metter sal. La via resta alva uschè ditg che la naiv tegna bain. E cura ch’ella na tegna betg pli bain, van ins cun il criec e metta sal. Quai è tenor il chantun la schliaziun la pli ecologica l’enviern.
  • Il rumir «alv», vul dir la via resta alav ed ins dovra crappella.

RR novitads 12:00

Artitgels legids il pli savens

Scrollar a sanestra Scrollar a dretga