La vischnanca da Laax ha tschernì il project victur per la rundella tar il quartier Marcau. Da l’entira Europa èn passa 94 dossiers vegnids inoltrads. La fin finala ha il project «Strietta» da l'artist da Siat, Livio Casanova, fatg la cursa. Quai communitgeschan la vischnanca ensemen cun la casa Cularta ch'han fatg la tscherna. La «Strietta» vegn installada sin la rundella en il decurs da la stad 2021.
Franz Gschwend, Marita Buchli, Augustin Calivers, Ester Vonplon ed Yvonne Gienal han fatg part da la giuria. Pliras ovras han evocà grondas discussiuns.