Morissen - prads sitgs
La blera naiv da l' enviern passà haja purtà ina buna racolta da fain. Mo ussa vegni critic di Adrian Blumenthal, pur da Morissen. Gia la primavaira ha purtà pauca plievgia ed ussa fa i setgira. Cun rasdiv na saja betg da quintar, almain betg a Morissen. Plinavant fan era las alps da Morrissen gia quitads, pervia da la setgira. Igl onn 2003 avevan questas alps stuì vegnir stgargiadas per questa a raschun.
Tut auter a Ruschein
Ils purs da Ruschein sco Primus Cajochen han cundrizs da sauar lur prads. Surtut ils plauns pon vegnir sauads intensiv ed uschia datti ina buna racolta da rasdiv. Sauar e dentant ina lavur intensiva, e betg tut ils purs da Ruschein fan quai. Surtut purs che han bleras plauncas desistan sin sauar. La raschun è ch'i vegn sauà da di e da notg. Sche in uder avess da schluppar che nagin vesa pudess l’aua far ir sbuvaditschs.
Insatge e dentant cler, ins spera sin plievgia. E quella speranza han ils da Ruschein sco era ils da Morissen.
RR actualitad 12:00