Gievgia è in electricist da rait vegnì blessà mezgrev cura ch'el ha fatg lavurs da mantegniment en in bajetg da trafo a Ruschein.
Tenor la polizia chantunala haja l'um da 30 onns gì brischaments vid il corp sura ed ils mauns. In'equipa d'ambulanza da l'ospital regiunal Glion haja tractà l'um sco emprim al plaz. La Rega ha lura transportà l'um sco emprim en l'ospital a Glion e suenter en l'ospital universitar a Turitg.
Co l'accident è capità na san ins anc betg, quai vegn uss sclerì.