Siglir tar il cuntegn

Header

Navigaziun

cuntegn

Surselva Sagogn fa la loipa cun ina maschina da grascha

Per l'emprima giada datti a Sagogn ina loipa cun naiv artifiziala – e quai malgrà ch'igl è memia chaud per producir naiv a Sagogn. L'aur alv vegn producì d'ina firma privata a Glion en in lieu pli fraid. Per ils 500 meters loipa dovra quai circa 1'000 meters cubic naiv, u var 25 chargias da camiun.

Legenda: Guardar il video Sagogn fa la loipa cun agid d'ina maschina da trair grascha. Durada 02:42 minutas.
Or da Telesguard dals 18.12.2018.

Gia l'onn passà era quai previs da far ina loipa cun naiv da Glion. Dentant eran las temperaturas da quel temp uschè autas ch'il chanun da naiv n'ha betg pudì vegnir mess en funcziun. Quest onn èsi reussì:

Participà a quest success ha dasper la vischnanca da Sagogn er in pur cun sia maschina – che na maina questa giada betg grascha mabain la naiv preziusa. Tut en tut vegn la loipa a custar circa 15'000 francs.

TR Telesguard 17:40