Sagogn spindra «ses» consum

Il Volg a Sagogn po vegnir manà vinavant. La radunanza communala ha approvà gievgia la dumonda da sustegn da l'associziun da concum Falera-Laax. La vischnanca paja ina contribuziun annuala da 30'000 francs ils proxims 3 onns.

Vischnanca da Sagogn Bild in Lightbox öffnen.

Legenda da maletgs: La vischnanca da Sagogn sustegna ses consum cun 30'000 francs annuals - per ils proxims 3 onns. RTR, Linus Livers

L'associziun da consum Falera-Laax aveva dumandà per sustegn finanzial da la vischnanca. Avend fatg deficits da mintgamai radund 50'000 francs ils ultims onns, è il manaschi stà periclità. L'associaziun aveva dumandà la vischnanca da desister dal tschains da 15'600 francs ad onn e surpigliar ils custs per l'electricitad ch'èn en il medem rom, scriva la vischnanca en il messadi.

Senza cuntravusch ha la radunanza communala approvà ina contribuziun annuala da 30'000 francs per ils proxims 3 onns.

Ils da Sagogn han plinavant approvà il preventiv 2017 che quinta cun 6'150 francs nairs; quai tar entradas ed expensas da radund 3,6 milliuns francs. Il quint d'investiziuns è era approvà cun expensas dad 1,1 miliuns ed entradas da 524'000 francs.

Ultra da quai han il suveran decis da laschar il pe da taglia tar 112% da la taglia chantunala simpla.

RR novitads 10:00