Siglir tar il cuntegn

Header

Purtret da la sala plaina durant l'infurmaziun dad Arquint e Boner.
Legenda: Cura ch'il luf cloma è la sala plaina. RTR, Reto Pfister
cuntegn

Saira d'infurmaziun Glion Purs teman ch'il luf pudess attatgar vatgas-mamma

Ils lufs en Surselva, quai è stà il tema da la saira d'infurmaziun a Glion, tranter auter cun l'inspectur da chatscha, Adrian Arquint, ed il cussegliader al Plantahof, Jan Boner. Ed ils lufs n'han betg fallà da chaschunar emoziuns. Durant la runda da dumondas han ils purs ed er auters abitants pudì exprimer lur quitads. Tema gronda è ch'ils lufs pudessan en avegnir betg chalar cun stgarpar «be» animals pli pitschens sco nursas e chauras, mabain ch'els pudessan er cumenzar a stgarpar animals pli gronds. Intgins purs vesan lur muntaneras da vatgas-mamma en privel.

Il luf na mida betg be il sa cuntegnair da la selvaschina, mabain er quel dal carstgaun en regiuns nua ch'il luf viva.

video
Saira d'infurmaziun davart il luf a Glion
Or da Telesguard dals 28.01.2020.
laschar ir

Infurmaziuns davart derasaziun e protecziun

Cumenzà ha la saira d'infurmaziun cun in referat dal manader da l'Uffizi da chatscha e pestga Adrian Arquint. El ha infurmà davart l'istorgia dal luf e la derasaziun da quel durant ils ultims onns. Jan Boner è cussegliader al Plantahof ed ha silsuenter declerà la situaziun davart la protecziun da muntaneras en il chantun Grischun.

Ils purs èn malcuntents

Da vart dals purs datti ina malcuntentientscha envers la situaziun mumentana. Anc adina vulessan blers avair davent il luf. Quai è dentant ina illusiun.

La mesadad dals lufs ch'igl ha ussa tanschess. Il rest duessan ins reparter sin il rest da la Svizra, alura emprendan quels era tge che quai vul dir
Autur: Clau Cabernard, Dardin

Ina schliaziun co ei savess ir vinavant cun ils lufs en Surselva ha nagin pudì preschentar.

Ord l'archiv:

L'entschatta schaner è il luf stà a Sursaissa. El è vegnì fotografà d'ina persuna privata en il «Kinderland» da la scola da skis e quai betg durant la notg, mabain la bun'ura. Il chantun ha suenter piglià mesiras per spaventar il luf dal vitg.

video
Il luf è stà a Sursaissa – en il «Kinderland» da la scola da skis
Or da Telesguard dals 09.01.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga