Sala d'art a Trun - Maletgs da Luis Defuns e Thomas Giger

Ils dus pictur-artists che enconuschan in l’auter gia dapi blers onns, exponan uss communablamain lur ovras. Ina vernissascha è questa sonda da las 19.00 e dumengia da las 15:00. L’exposiziun è averta fin ils 18 d’avrigl 2022.

Luis Defuns ha realisà sia ultima exposiziun il 2006. Era sch’el exponia pir uss puspè sias ovras, haja el adina malegià, di l’um da 50 onns che è creschi si a Darvella/Trun ed ha in’atgna fatschenta da pictur. Ma el haja era malegià ils ultims 15 onns. En quest temps saja el sa deditgà surtut al chant. El haja dentant duvrà questa pausa.

Ina part dals maletgs da Luis Defuns regordan al temps ch’el lavurava ensemen cun ses frar Gioni. L’autra part, las ovras pli actualas, sa fatschentan surtut cun umans, animals e natira. Bler haja da far cun regurdientschas da pli baud, perquai ch’el è figl dad in pur.

Persunas èn era in tema impurtant en l’ovra da Thomas Giger. El è oriund ha Mustér, stat a Seewis en Partenz, ha 57 onns ed è graficher da professiun.

Cun experimentar saja el vegnì tar l’abstract. Blers onns haja el lavur mo cun nair ed alv, era en la grafica. Quai sa midia dentant sco quai ch’il patratgar sa mida.

Ina colur dat en egl tar ses maletgs: cotschen. Thomas Giger di che quai che ti fas stoppia esser sco ardur, burnida, fieu. Quai saja insumma ina dumonda da la vita: Tge fan ins, es ti en il tievi ubain va quai che ti fas en ina direcziun che ti pos dir: quai è cler.

Bildergalerie