Siglir tar il cuntegn

Header

cuntegn

Surselva Sana Surselva dovra temps per sa furmar

La Sana Surselva, l'organisaziun da sanadad dalla regiun Surselva, vul metter tut las siat chasas da tgira da la Surselva sut in tetg.

La Sana Surselva quai è l’organisaziun da la Regiun Surselva che posseda la maioritad da las aczias da l'ospital da Glion. La proxima funcziun da questa organisaziun duai esser d'unir tut la chasas da tgira e manar quellas en in avegnir communabel.

audio
Bunura: Chasas da tgira da la Surselva sut in tetg – SanaSurselva
ord Actualitad dals 29.11.2017.
laschar ir. Durada: 1 minuta 37 Secundas.

I dovra dapli temps

En tge furma che quai duai succeder n'è anc betg cler. Thomas Buchli, il president da la Sana Surselva, ha ditg ad RTR che la sfida da far quest pass saja pli gronda che spetgada. Perquai dovria l'organisaziun dapli temps. D'ina vart veglian ins nizzegiar las sinergias cun colliar las siat chasas da tgira e rinforzar las fermezzas da mintgina da quellas. Per sa cunvegnir sin in numnader communabel dovria quai bler temps. I saja da resguardar las filosofias da mintgina da quellas chasas. Ed era quai saja in process d'evaluaziun che dovria dapli temps, uschia Buchli.

Models concrets na datti anc betg

La cumissiun directiva s'entaupia per lavurar vi d'in concept per l'avegnir e quai concept na dastgia betg vegnir fatgs sut squitsch da temp. Models concrets per l'avegnir possian ins construir pir cura che tut quellas premissas sajan ademplidas, di Thomas Buchli.

La regiun da sanadad Surselva duaja vegnir sut in tetg, quai è era il giavisch da las chasas da tgira sezzas. Ussa haja num far il pass suenter la chomma, u sco Thomas Buchli di: «Nus stuain dar a quell'organisaziun il temps ch'ella dovra per sa furmar.»

RR actualitad 07:00

Artitgels legids il pli savens