Siglir tar il cuntegn

Header

audio
Mario Venzin, che ha ina pratica da medi a Vella
Or da Actualitad dals 12.10.2021.
laschar ir. Durada: 03:54 minutas.
cuntegn

Sanadad en regiuns periferas Bler è pussaivel, ma betg tut

Sia pratica da medi a Vella saja pertutgada en pliras spartas da la digitalisaziun, di il medi Mario Venzin. Quai tant en l'administraziun, en la documentaziun da las actas dals pazients sco era tar las apparaturas medicinalas.

Anc sin palpiri

La suletta sparta ch'è il mument betg digitalisada è la documentaziun dals pazients. Quellas vegnan fatgas sulet sin palpiri ed archivadas uschia. Cun la digitalisaziun planisada è il medi persvas da pudair augmentar la segirtad per ils pazients, cunzunt cun algoritmus che fan attent sin cumportament da differents medicaments ni sin termins da controlla.

Il contact cun ils pazients è indispensabel

Il process en la pratica sa lascha digitalisar e ha grond potenzial da profitar da la digitalisaziun. Tar il contact e la controlla dal pazient ha quella cunfins.

Ins sto prender giu sang, ins sto ina giada far ina sonografia, metter si il maun, palpar, intercurir il pazient. E tut quai na pon ins betg far a moda digitala
Autur: Mario Venzin medi da chasa a Vella

Il svilup en la digitalisaziun va per Mario Venzin en la dretga direcziun. Quai cunzunt perquai che la qualitad da la purschida medicinala po uschia vegnir augmentada.

Practica da medi
Legenda: Practica da medi Pfister Reto RTR

RTR actualitad 08:00

Artitgels legids il pli savens

Scrollar a sanestra Scrollar a dretga