Siglir tar il cuntegn

Header

Las chasas (da san.) Puntreis (Mustér), Casa S. Martin (Trun) e Da Casa Val Lumnezia (Vella) collavuran gia stretg.
Legenda: Las chasas (da san.) Puntreis (Mustér), Casa S. Martin (Trun) e Da Casa Val Lumnezia (Vella) collavuran gia stretg. RTR
cuntegn

SanaSurselva Rait da sanadad per tuts

La rait da sanadad è in project da l'organisaziun SanaSurselva, da spitex e da las chasa da vegls e da tgira – e quel vegn sustegnì da la fatschenta da cussegliaziun KPMG. La populaziun da la Surselva po s’exprimer en in questiunari online fin ils 10 d’avrigl.

Gruppas da lavur defineschan la strategia

Co sa preschenta la situaziun actuala e futura en il sectur da sanadad en Surselva? Sur da questa dumonda po la populaziun s’exprimer en il questiunari online. L’atun 2021 vegnan lura definids ils pilasters strategics en gruppas da lavur.

Per avair structuras stabilas a lunga vista stoppian els integrar ils furniturs da prestaziuns, las vischnancas e la populaziun, e resguardar ils basegns da quels, di Marc-André Giger da la KPMG.

Grondas sfidas

Sco SanaSurselva scriva en ina communicaziun, stettia la Surselva avant grondas sfidas en il sectur da sanadad: la vegliadetgna da la populaziun, la depopulaziun, il provediment da basa entras il medis da chasa che na saja betg garantì, ed il persunal qualifitgà haja adina pli pitschnas perspectivas.
Entras la rait da sanadad vegnan las instituziuns da sanadad ad esser preparadas meglier per l’avegnir. E per la populaziun duai vegnir stgaffida ina purschida che correspunda als basegns.

La finamira saja che mintga actur possia far valair ses basegns a moda optimala en in process da tractament, en il qual l’ospital a Glion gioga ina rolla impurtanta, di la presidenta da SanaSurselva Martina Beeli.

Dapi sia fundaziun 2015 vul SanaSurselva unir sut in tetg l’ospital, las chasas da vegls e da tgira e la spitex en Surselva.

audio
Per tadlar curt e cumpact
01:13 min, RTR Audio dals 23.03.2021.
laschar ir. Durada: 01:13 minutas.

RTR actualitad 17:00

Artitgels legids il pli savens

Scrollar a sanestra Scrollar a dretga