Il chantun Uri fa pli segira la via dal Pass da l'Alpsu. Per quai motiv sanescha el la gallaria da lavinas sper il Lai da l'Alpsu. Sco quai che la direcziun da construcziun da l'Uri communitgescha, vegn il tetg da la gallaria rumì da crappa crudada, sientà ed isolà. Plinavant vegn la structura purtanta da la gallaria rinforzada.
Las lavurs cumenzan ils 27 d'avust e duran fin ils 12 d'october. Tranter ils 3 ed ils 21 da settember vegn il traffic manà tranter las 20:00 e las 05:00 mo sin in vial. Dal tut serrada vegn la gallaria pervi da las lavurs da sanaziun las notgs dals 10, 11, 12, 13 e 14 da settember – quai mintgamai tranter las 22:00 e las 05:00. Durant las fin d'emnas po il traffic circular senza incaps tras la gallaria.
RR novitads 11:00