Surselva - Sbagl dal pilot ha manà a l’accident sin il Vorab
L'accident mortal cun in eroplan da motor a vela sin il Vorab il settember 2013 è capità ord in sbagl dal pilot. Quai resulta dal rapport final dal post federal ch'examinescha ils accidents aviatics SUST.
Tenor il post ha il pilot pers la controlla da l'aviun cura ch'el sgulava en ina stgarsa autezza datiers d'ina lingia d'auta tensiun. El n'haja betg pudì evitar la collisiun cun il terren. L'accident è capità ils 3 da settember, datiers da la staziun dal runal sin il glatscher dal Vorab. Il pilot da 56 onns è mort.
