Siglir tar il cuntegn

Header

cuntegn

Schluein Löwenberg Silicon Valley a Schluein

Evitar ina ruina sco en il Bogn Tenigia. In'uniun che promova il svilup a Schluein e conturn vul attrair giuvnas firmas innovativas che splenduran sur ils cunfins, quai cun schliar ils problems digitals da la Surselva.

«Surselva impact lab» uschia sa numna l'uniun che vul promover il svilup a Schluein e conturn. La promoziun va sur in'idea da carmalar en l'anteriur center per requirents d'asil a Schluein giuvens interprendiders, fatschentas innovativas surtut sin il sectur da la digitalisaziun.

Nus lain dar la pussaivladad da lavurar e durmir en il medem lieu, ed uschia er evitar in grond surpli da traffic per il quartier sut il Löwenberg.
Autur: Ralf SchläpferPresident da vischnanca Schluein
En il focus stattan fatschentas cun plazzas d'auta qualificaziun sin il sectur digitalisaziun.
Autur: Rudolf BüchiPromotur d’economia Surselva

Il bajetg vegn mess a disposiziun da la fundaziun «Heim St. Josef Löweberg» e quai per ina summa simbolica dad 1 franc ad onn. Uschia na sto l'uniun «Surselva impact lab» betg s'occupar da tschains, persuenter vegn ella a renovar ed adattar il bajetg che appartegn a l'uvestgieu da Cuira. La renovaziun vegn a custar plirs milliuns francs. Quant exact n'è anc betg cler.

Cun promover fatschentas giuvnas innovativas, stgaffin nus plazzas da lavur en la regiun ed uschia er entradas da taglia.
Autur: Christian SchmalzManader da project

RTR acutalitad 08:00

Artitgels legids il pli savens

Ir a sanester Ir a dretg